Friesach, 26. August 1331
Simon, Richter von Ouzze (Aussee, Stmk.), sein Sohn Leupolt und Wergant, Bürger von Gmünd, bürgen Erzbischof Friedrich für 100 Pfund, daß Walchun, der alte Abt von Millstatt, der aus der Gefangenschaft entlassen wurde, dem Kloster keinen Schaden zufügen wird. Siegler: die Aussteller. Gegeben ze Friesach des Montags nach sand Bartholomeitag 1331 n. Chr. G.
Quelle: MHDC 9, S. 143, No. 462
Ich Symon Richt(er) von Ouzze · Leupolt sein Sun · vnd W(er)gant purg(er) von Gmuͤnd · wir v(er)ichen vnd tuͦn chunt offenleich an disen brif · daz wir vns v(er)punden haben · gegen vns(e)rn h(err)n Ertzbischolf Friderichen von Salzburch · vmb hund(er)t pfunt Salzburg(er) pfenning darvmb wir von im · vnd ouz siner vanichnuͤzz haben ouz genomen · H(err)n Walchuͦnen · den alten Abbt von Milstat · daz d(er)selb H(err) Walchuͦn · dem Chlost(er) · dem Abbt · vnd den H(erre)n do selbes · dhein vnfuͦg vnd schaden an dheinen sachen fuͤrbaz b(er)uͤfen · noch tun sol · mit worten noch mit w(er)chen · vͤber(tr)it er daz an ichten · so sein wir im v(er)uallen d(ie) hund(er)t pfunt pfenning · Doch haben wir im vmb di vorgenanten hund(er)t pfunt pfennig gelobt · mit d(er) ouzgenomen red · swenn er hin heim hintz Salzburch chumt · so sol ich W(er)gant von dem geluͤbd vnd von d(er) porgschaft ledich sein · vnd dar nach in einem moned sol ich Symon ed(er) mein Suͤn Leupolt · zu im hintz Salzburch chomen · vnd weisen wir in mit pid(er)ben leuten · daz er an vns gewisheit genug hat · vmb di hund(er)t pfu(n)t des sol er sich lan genuͤgen · tuͦn wir des nicht · so suͤllen wir im soͤlh gewizheit darvmb tun · dev in guͦt dunchet · Darvͤb(er) geben wir disen brif · v(er)sigelten mit vns(er)n Symons vnd Leupolts Insigeln · Der ist geben ze Friesach · des Montags nach sand Bartholomei tag · Do von Christes gepurd waren Dreizehenhund(er)t iar dar nach in dem ain vnd Dreizzikisten iar
Quelle: aus Digitalisat der Online-Edition
Online-Edition: www.monasterium.net (letzter Zugriff: 3. September 2023)
Eindeutiger Bezeichner: 14/ch
- Friedrich von Leibnitz („Ertzbischolf Friderichen von Salzburch“) – Erzbischof von Salzburg
- Leopold („Leupolt sein Sun“) – Sohn von Simon, Richter von Aussee
- Simon („Symon Richt(er) von Ouzze“) – Richter von Aussee
- Walchun („Walchuͦnen den alten Abbt von Milstat“) – ehemaliger Abt des Klosters Millstatt
- Wergand („W(er)gant purg(er) von Gmuͤnd“) – Bürger von Gmünd
- † Millstatt („Milstat“)
- Altaussee („Ouzze“)
- Friesach
- Gmünd in Kärnten („Gmuͤnd“)
- Millstatt („Milstat“)
- Salzburg („Salzburch“)