St. Andrä im Lavanttal, 30. August 1398
Ruͦprecht und Andre, geprüder die Leubenekker, geloben, Eb. Gregor von Salzburg mit ihrem Haus ze Leubenekg und ihrem ganzen Vermögen sein Lebtag zu dienen, wofür ihnen der Eb. alljährlich auf sand Jörgen tag 8 Pfund und 8 Pfund auf sand Michelstag geben soll. Der Eb. hat das Vorkaufsrecht auf das Haus Leubenegk. Sg: Jörg der Hannawer, Oheim der Brüder, und Niklas Krueg auf Bitten der Aussteller, wegen Siegelkarenz. Gegeben ze sand Andrä im Laventtal n. Chr. G. 1398 an Freitag vor sand Gilgen.
Quelle: MHDC 10, S. 328, No. 1035
Ich Ruͦprecht vnd ich Andre gepruͤder die Leubenekkeͣr · veriehen vnd tuͦn chund mit dem brief · allen den · die In sehent od(er) hoͤrent lesen · daz wiͤr dem hochwiͤrdigen fuͤrsten · vnserm gneͣdigen h(er)ren h(err)n Gregorien Erczbischouen ze Salczburg legaten des Stuͦls ze Roͤm · getrewleich dienen sullen vnd wellen · mit vnserm haws ze Leubenekg · vnd allem vnserm v(er)mugen vnd sol dasselb haws Leubenekg · desselben vnsers herren von Salczburg · sein lebtag offens haws sein · zu aller seiner notdurft · vnd darumb sol er vns(er) gneͣdiger h(er)r sein · vnd sol vns gneͣdikleich beschiͤrmen vnd beschutten · vor gewalt vnd vnrecht vnd zu dem rechten · vnd sol miͤr egenanntem Ruͦprechten · alle Iar iͤarleich auf sand Joͤrgen tag geben · acht pfunt pfennig vnd auf sand Michels tag acht pfunt pfenning · die dem ze Gmuͤnden gib vnd geb(en) sind · Geschehe auch · daz wiͤr od(er) vns(er) erben · das egen(annte) haws ze Leubenek · v(er)chauffen od(er) v(er)chumern wolten · od(er) muͤsten · So sullen wiͤr voͤr das den egen(annten) vnsern gneͣdigen h(er)ren von Salczb(ur)g vnd sein nachkom(en) · anbieten voͤr meͣnikleich · wolten Sy vns · dem das nicht geben · das and(er) leͣut vngeueͣrleich darumb geben wolten · So muͤgen wiͤr das v(er)chauffen vnd v(er)chumern · wo · vnd wem wiͤr wellen · nach vns(e)r notdurft · daruber ze vrchund geb(e)n wiͤr In den brief v(er)sigelten mit vnsers lieben Oͤheim h(err)n Joͤrgen des hannaw(er) · vnd des Erb(er)n niclas des kruͦegs · anhangunden Insigeln · die dew durch vns(er) vleizzig(en) bett willen · an den brief gehangen habent · In vnd iͤren erben an schaden · wan wir aigen Insigel noch nicht enhaben · Darund(er) wiͤr vns v(er)pinten mit vnsern trewn · alles das steͣt zehab(e)n · das uor geschriben stet an dem brief · der geben ist zu sand Andre im lauental an freytag uoͤr sand Gilgen tag nach Christi gepurd drewczehen hund(er)t Jar darnach in dem acht vnd newnczigistem Jare
Quelle: aus Digitalisat der Online-Edition
Online-Edition: www.monasterium.net (letzter Zugriff: 26. September 2023)
Eindeutiger Bezeichner: 14/gf
- Georg Hannauer („Joͤrgen des hannaw(er)“) – Oheim von Andreas und Ruprecht von Leobenegg
- Nikolaus Krug („niclas des kruͦegs“) – Siegler
- Andreas von Leobenegg („Ruͦprecht vnd … Andre gepruͤder die Leubenekkeͣr“) – Bruder von Ruprecht von Leobenegg
- Ruprecht von Leobenegg („Ruͦprecht vnd … Andre gepruͤder die Leubenekkeͣr“) – Bruder von Andreas von Leobenegg
- Gregor Schenk von Osterwitz („Gregorien Erczbischouen ze Salczburg“) – Erzbischof von Salzburg
- Burg Leobenegg („haws ze Leubenekg“)
- Lavanttal („lauental“)
- Gmünd in Kärnten („Gmuͤnden“)
- Rom („Roͤm“)
- Salzburg („Salczburg“)
- Sankt Andrä im Lavanttal („sand Andre im lauental“)