Millstatt, 13. Dezember 1322
Herman, Haintzen sun von Luceldorf, tut kund, daß er [seine Ansprüche auf] 2 Güter zu Luceldorf (Litzldorf, Liesertal)[, die] (Pilgrim
und Offe) dem Gotteshaus Millstatt und den Herren auf ir oblay verkauft hat [haben, aufgibt]. Er gelobte die Vertretung der Güter nach
Landesrecht. Siegler: auf Bitte des Ausstellers wegen Siegelkarenz Friedrich von Gesicz. Zeugen: her Fridreich, Pernhart von Zettau, Jakob von
Dobitz und Mathey der Kulez. Gegeben zu Milstat n. Chr. G. 1322 an sand Luceien tage der rainen maide.
Quelle: MHDC 8, S. 187, No. 643, Korrektur aus Digitalisat der Online-Edition
Ich H(er)man Haintzen Sun von Luceldorf v(er)gih vnd tuͦn chunt allen die disen p(ri)ef sehent vnd hoͤrent lesen daz ich mit guͦten willen vnd mit v(er)dahtem muͦt getrete(n) han von ainer Ansprach die ich o(u)f zwai guͤt gehabet han datz Luceldorf deu Pilgrim vnd Offe v(er)chaufet habent dem Gotshous ze Milstat vnd den H(er)ren auf ir Obley · vnd pin dauon gænzehleich getrete(n) ich vnd mein erben die ich han vnd noch gewinne vnd lob in den Herren vnd dem vor genanten Gotshaus · ob iemen wær den sev Anspræche(n) vm daz vor genante guͤt datz Luceldorf ze v(er)trete(n) nach Landes recht · vnd swelher mue od(er) chost in dar auf gieng daz schol ich in ab legen · ich vnd mein erben · vnd daz daz dem Gotshaus vnd den vor genante(n) H(er)ren ze Milstat stæt vnd vnv(er)prochen peleibe geb ich in meinen offen p(ri)ef ze ainem vrchunde d(er) warhait v(er)sigelt mit Heren Fridreichs insigel von gesiez · den ich vleizechleich dar vmbe gepete(n) han wand ich duͤ niht aigen Insigel hiet · vnd sent auch gezeuge(n) d(er) vor genant H(err) Fridreich · P(er)nhart von Zetau · Jakel von Dobitz · Mathey der Kvltz · vnd and(ere) piderbe leute D(er) p(ri)ef ist geben ze Milstat duͤ nach Christes geburt ergange(n) ware(n) tausent iar dreu hund(er)t iar darnach in dem zwai vnd zwainzechiste(m) iare an sand Luceien tage der rainen maide
Quelle: aus Digitalisat der Online-Edition
Online-Edition: www.monasterium.net (letzter Zugriff: 1. September 2023)
Eindeutiger Bezeichner: 14/bz
- Jakob von Dobitz („Jakel von Dobitz“) – Zeuge
- Friedrich von Gschieß („Fridreichs … von gesiez“) – Zeuge
- Heinrich („… Haintzen … von Luceldorf“) – Vater von Hermann
- Hermann („H(er)man Haintzen Sun von Luceldorf“) – Sohn von Heinrich
- Matthias Kölz („Mathey der Kvltz“) – Zeuge
- Otto („Offe“) – Verkäufer
- Pilgrim („Pilgrim“) – Verkäufer
- Bernhard von Zettau („P(er)nhart von Zetau“) – Zeuge